ჯო ენის საუნივერსიტეტო ჰოსპიტალმა „აკრედიტაცია კანადის“ უმაღლესი შეფასება მოიპოვა და პლატინის ხარისხი მიენიჭა
ჯო ენის საუნივერსიტეტო ჰოსპიტალმა წარმატებით გაიარა საერთაშორისო სამედიცინო აკრედიტაციის პროცესი, მოიპოვა „აკრედიტაცია კანადის“ (accreditation Canada) უმაღლესი შეფასება და მიენიჭა პლატინის ხარისხი.
„აკრედიტაცია კანადის“ პლატინის სტანდარტი საერთაშორისოდ აღიარებულია და უფრო მაღალ მიღწევას ასახავს, ვიდრე ოქროს სტანდარტი.
„აკრედიტაცია კანადა“ მსოფლიოში ცნობილია თავისი 60-წლიანი გამოცდილებით. „აკრედიტაცია კანადის“ ექსპერტთა დიდი გუნდი გამოირჩევა მაღალი პროფესიონალიზმით, საქართველოს ჯანდაცვის სისტემის სპეციფიკის ცოდნითა და ექსპერტიზის მრავალფეროვანი უნარებით.„აკრედიტაცია კანადის“ ექსპერტთა ჯგუფი მუშაობს მსოფლიოს 35-ზე მეტი ქვეყნის სამედიცინო დაწესებულებებში. ჯო ენის საუნივერსიტეტო ჰოსპიტალი საქართველოში, ჯერჯერობით, მე-2 სამედიცინო დაწესებულებაა, რომელმაც „აკრედიტაცია კანადის“ უმაღლესი შფასება და პლატინის ხარისხი მოიპოვა
შეგახსენებთ, რომ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანებით, 2025 წლის 1 იანვრიდან საყოველთაო ჯანდაცვის პროგრამის ფარგლებში სამედიცინო მომსახურების მიმწოდებლად განისაზღვრება კლინიკა, რომელსაც მოპოვებული ექნება საერთაშორისო აკრედიტაცია.
