საერთაშორისო სამედიცინო აკრედიტაციის – „აკრედიტაცია კანადა“-ს მოსაპოვებლად სამუშაო პროცესში ჯო ენის საუნივერსიტეტო ჰოსპიტალმა უკვე შექმნა პაციენტთა საბჭო, რომელიც პერიოდულად იკრიბება და მსჯელობს პაციენტთა და მათი ოჯახის წევრების ინფორმირებულობასა და კმაყოფილებაზე.
ასევე, შექმნილია პაციენტის კმაყოფილების კითხვარი, რომელიც ონლაინ ივსება და ანონიმურად იგზავნება. ჰოსპიტალში გამოკრულია სტიკერები და ანონიმური შეტყობინების ყუთები, რომლებზეც დატანილია QR კოდი, რომლის საშუალებითაც პაციენტს ან მისი ოჯახის წევრს ანონიმურად შეუძლიათ შეავსონ კითხვარი. შემოსული შეტყობინებები განხილება პაციენტთა საბჭოზე.
ჯო ენის საუნივერსიტეტო ჰოსპიტალმა მოამზადა ჰოსპიტლის წლიური ანგარიში, რომლის პრეზენტაციაც პირველად პაციენტთა საბჭოზე გაკეთდა. ანგარიში უახლოეს ხანში წარედგინება ჰოსპიტლის თანამშრომლებს და აიტვირთება ჯო ენის საუნივერსიტეტო ჰოსპიტლის საიტზე.
პაციენტთა საბჭოს შეხვედრას ესწრებოდნენ ჯო ენის საუნივერსიტეტო ჰოსპიტლის გენერალური დირექტორი ზაზა სოფრომაძე, სამედიცინო დირექტორი პაატა ბუკია, „აკრედიტაცია კანადა“-ს წარმომადგენელი თათია გოჩაძე, პაციენტთა საბჭოს ხელმძღვანელი „აკრედიტაცია კანადა“-ს მხრიდან იოსებ დემეტრაშვილი, ჯო ენის საუნივერსიტეტო ჰოსპიტლის თანამშრომლები.
ანგარიში წარადგინა ჯო ენის საუნივერსიტეტო ჰოსპიტლის PR და მარკეტინგის სამსახურის ხელმძღვანელმა თამარ ბოდოკიამ.
