ჰეპატიტის მსოფლიო დღის მიზანია ამაღლდეს ცნობიერება ვირუსული ჰეპატიტების შესახებ.
ამ თემის შესახებ საუბრობს ჯო ენის საუნივერსიტეტო ჰოსპიტლის ეპიდემიოლოგი მაია კაშია:
ჰეპატიტის მსოფლიო დღე ჯანმრთელობის მსოფლიო ორგანიზაციამ (ჯანმო) დააწესა.
ეს დღე 2024 წელს უკვე მეთოთხმეტეჯერ აღინიშნება, ხოლო 28 ივლისი შერჩეულია ნობელის პრემიის ლაურეატისა და B ჰეპატიტის ვირუსის აღმომჩენის (1967 წ.) ბარუხ სამუელ ბლუმბერგის დაბადების დღის პატივსაცემად.
B და C ვირუსული ჰეპატიტები გლობალური ჯანმრთელობისთვის უდიდესი გამოწვევაა და დღესდღეისობით ის უმძიმესი ტვირთია.
ინფექციური დაავადებებით გამოწვეული სიკვდილობის მეორე ყველაზე გავრცელებული მიზეზი სწორედ ვირუსული ჰეპატიტებია, მსოფლიოში 325 მილიონზე მეტი ადამიანია დაავადებული ვირუსული ჰეპატიტით.
თანამედროვე მედიცინისთვის ვირუსული ჰეპატიტები აღარ წარმოადგენს საშიშროებას, რადგან არის პრევენცირებადი, მკურნალობას დაქვემდებარებული და C ჰეპატიტის შემთხვევაში აბსოლუტურად განკურნებადი დაავადება.
მსოფლიოს მიზანია შევაჩეროთ ჰეპატიტების უკონტროლო გავრცელება. ამისთვის პირველად პრევენციას წარმოადგენს ახალშობილებში B ჰეპატიტის პრევენცია ვაქცინაციით, იმუნიზაციის ეროვნული კალენდრის შესაბამისად.