პროცედურა ნიკაიდო ამიერკავკასიაში პირველად თენგიზ შირიაევმა გააკეთა

Nikaidoh პროცედურა ამ დრომდე არათუ ჩვენთან, არამედ ამიერკავკასიაშიც არ გაკეთებულა.

ის შედარებით რთული და კომპლექსურია ექიმების გუნდისთვის. სწორედ ამიტომ ჯო ენის საუნივერსიტეტო ჰოსპიტალი ამაყობს იმით, რომ ასეთი სირთულის ოპერაცია 5 წლის პაციენტს წარმატებით გაუკეთა ბავშვთა კარდიოქირურგმა თენგიზ შირიაევმა.

Nikaidoh პროცედურა არის ოპერაცია, რომელიც შეიძლება გამოყენებულ იქნას გულის თანდაყოლილი დეფექტების გამოსასწორებლად, როგორიცაა მაგისტრალურ სისხლძარღთა გამოსვლა მარჯვენა პარკუჭიდან (DORV) ან მაგისტრალურ სისხლძარღვთა ტრანსპოზიცია მარცხენა პარკუჭის გასასვლელი ტრაქტის ობსტრუქციით (TGA, LVOTO).

ეს ოპერაცია გულისხმობს აორტის „გადაადგილებას“ მის ანატომიურ ადგილას, მარცხენა პარკუჭისკენ, განსხვავებით მისი ალტერნატიული ოპერაციებისგან, სადაც აორტა უკავშირდება მარცხენა პარკუჭს ეგრეთ წოდებული “გვირაბის” მეშვეობით.

ასეთ პაციენტებს მომავალში დასჭირდებათ ნაკლები განმეორებითი ოპერაციები და ეს კორექცია ბევრად უფრო ფიზიოლოგიურია გულისთვისაც.

პატარა პაციენტი 12 დღეში გაეწერა სახლში და აგრძელებს ჯანმრთელ ცხოვრებას.